رغم القهر ورغم المر ورغم جروحك نكبتنـا
أبداً ما نرضى بالذل وراح نمضـي بثورتنـا
شتات وغربة وإبعاد ..الكل بيعـرف قصتنـا
مشتاق لحوشك يا دار والسهرة فـي حارتنـا
ومن الغربة بكتب أشعـار وبغنـي لعودتنـا
والله بنحبك يا دار.... الغربـة مـا غيرتنـا
وفي القلب شوق وأعصار لترابك ولضيعتنـا
وعطرك ريحانك ما انساه...وفياتك يا كرمتنا
وريحة خبزك يا طابون ...بتقوي فينا نشوتنا
وليمونك وزهـر الرمـان وتفاحـك بيارتنـا
والله بعدك يا أرض صـارت مـوت عيشتنـا
لتخافي بكرة جايين ..ومهما طالـت غيبتنـا
ما نرضى بوطن بديل...بدنا نعـود لديرتنـا
راح نرجع مجد الأرض ورح نرجّـع فرحتنـا
وبكرة صهيوني بتنذل...وراح تشوف ضحكتنا
راح نرمي كرت التموين ,,وطردك هو غايتنا
راح تروح بذل وعار ...بعـون الله وبهمتنـا
وحق العودة إلنـا صـار.. دربنـا لرجعتنـا
الثلاثاء نوفمبر 25, 2008 5:30 pm
